Shpallet tenderi/ Modernizim i ndriçimit në Gjirokastër – Që nga rruga nacionale, e deri te bulevardi

Bashkia Gjirokastër ka shpallur një tender me fond 15.7 milionë lekë për modernizimin e ndriçimit publik rrugor.

Në masterplanin bashkangjitur tenderit, investimi do të kryhet në 8 rrugë, përfshirë këtu rrugën nacionale “Tepelenë – Gjirokastër”, bulevardin “18 shtatori”, etj.

Tenderi i shpallur në Agjencinë e Prokurimit Publik do të qëndrojë i hapur deri më 2 mars. Afati kohor për ekzekutim, sipas të dhënave, është 3 muaj, që nga nënshkrimi i kontratës me subjektin fitues.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.