Shpallet tenderi për furnizimin me ujë në Pukë – Detajet e projektit me fond 145.3 milionë lekë
Bashkia Pukë ka shpallur një tender me fond 145.3 milionë lekë, për ujësjellësin e fshatit Gjegjan. Sipas detajeve teknike, objekti i tenderit është përmirësimi i furnizimit me ujë të pijshëm për të gjithë zonën dhe përfshin ndërtimin e linjës së transmetimit dhe të shpërndarjes në këtë zonë. Ndër të tjera, parashikohet instalimi i matësve të ujit për secilin konsumator, apo grupeve konsumatore.
Sipas të dhënave të tenderit të shpallur në Agjencinë e Prokurimit Publik, projekti do të manifestohet brenda një afati kohor 15 mujor, që nga nënshkrimi i kontratës me subjektin fitues.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.