Shpallet tenderi për Kadastrën te “Jordan Misja” – 330 milionë lekë fond, në kuadër të procesit të rindërtimit

Drejtoria e Përgjithshme e Agjencisë Shtetërore të Kadastrës ka shpallur një tender me fond 330.5 milionë lekë, në kuadër të procesit të rindërtimit.

Fondi do të vihet në dispozicion të godinës së Agjencisë Shtetërore të Kadastrës, në rrugën “Jordan Misja”.

Referuar të dhënave të tenderit të publikuar në Agjencinë e Prokurimit Publik, projekti konsiston në punime përforcimi, rehabilitimi, si dhe rikonstruksioni.

Ekzekutimi do të kryhet brenda një afati kohor 12 mujor, që nga nënshkrimi i kontratës me subjektin fitues, ndërsa tenderi do të qëndrojë i hapur në APP deri më 10 maj, ora 11:00.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.