‘Shpejtësi dhe çmenduri’ në Tiranë-Durrës/ 13 drejtues me 153 deri në 177 kilometra në orë

Vijon monitorimi me radar e drager nga Policia Rrugore e Tiranës në rrugët interurbane për të parandaluar shpejtësinë tej normave të lejuara dhe drejtimin e mjetit nën efektin e alkoolit apo në gjendje të dehur.

“Për 180 minuta kontroll me radar u konstatuan 13 raste të shpejtësisë tej normave të lejuara që varionin nga 153 km/h deri ne 177 km/h. Shpejtësia gati dy herë më shumë se tabela është  rrezik potencial për aksident. Gjithashtu u konstatuan dhe 14 raste me shpejtësi nga 117 km/h deri në 126 km/h, ku drejtuesit e mjeteve  u ndëshkuan me masë administrative me nga 6000 lekë  secili” njofton Policia.

Policia u bën apel drejtuesve të mjeteve që të mos abuzojnë me shpejtësinë dhe të respektojnë rregullat e qarkullimit rrugor.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.