Shpejtësi mbi normat e lejuara dhe drejtim mjeti në gjendje të dehur- Policia pezullon 42 patenta dhe arreston 10 drejtues mjetesh
Policia rrugore ka ushtruar një kontroll të imtësishëm me Drager e Radar gjatë 24 orëve të fundit në disa rrugë të Tiranës. Nga ky aksion janë proceduar 10 drejtues mjetesh, nga të cilët 4 për drejtim mjeti në gjendje të dehur dhe 6 për mospajisje me leje drejtimi.
Sipas njoftimit të Policisë, janë pezulluar 42 leje drejtimi, 25 prej tyre për shpejtësi mbi normat e lejuara dhe 17 për drejtim mjeti nën ndikimin e alkoolit.
Po ashtu, Policia Rrugore ka marrë edhe masa të tjera administrative, të cilat përfshijnë:
- 111 masa administrative për përdorim celulari
- 67 masa për mosvendosje të rripit të sigurimit
- 43 masa për mosvendosje të kaskës mbrojtëse
- 9 masa administrative për shkelje të semaforit
Kështu, nga aksioni i Policisë Rrugore në këto rrugë janë arrestuar shtetasit:
- Në rrugën “Don Bosko”, shtetasi me iniciale D.Z 45 vjeç, është konstatuar dhe arrestuar se drejtonte mjetin nën efektin e alkoolit në masën 0.73 mg/l.
- Në rrugën “Hamdi Pepa”, shtetasi me iniciale A.T ,39 vjeç, është konstatuar dhe arrestuar se drejtonte mjetin nën efektin e alkoolit në masë 0.53 mg/l testi i parë , testi i dytë 0.57 mg/l.
- Në rrugën interurbane dytësore Durrës-Tiranë, shtetasi me iniciale A.C 43 vjeç, është konstatuar dhe arrestuar se drejtonte mjetin nën efektin e alkoolit në masën 0.50 mg/l, testi i parë, testi i dytë 0.50 mg/l.
- Ndërkohë gjatë kontrolleve policore në zonën urbane dhe interurbane, deri në këto momente janë konstatuar dhe proceduar 6 shtetas të tjerë, të cilët drejtonin motomjete, të papajisur me Leje Drejtimi, dhe konkretisht:
- Në rrugën “Skënderbej” shtetasi me iniciale H.V., 54 vjeç është konstatuar dhe verifikuar se drejtonte motomjetin pa Leje Drejtimi.
- Në rrugën “Skënderbej” shtetasi me iniciale B.D., 61 vjeç është konstatuar dhe verifikuar se drejtonte motomjetin pa Leje Drejtimi.
- Në rrugën e “Dibrës” shtetasi me iniciale H.XH., 43 vjeç është konstatuar dhe verifikuar se drejtonte motomjetin pa Leje Drejtimi.
- Në rrugën “Marikaj”, Vorë shtetasi me iniciale E.K., 31 vjeç është konstatuar dhe verifikuar se drejtonte motomjetin pa Leje Drejtimi.
- Në rrugën “Hamdi Pepa”, shtetasi me iniciale K.Ç 28 vjeç është konstatuar dhe verifikuar se drejtonte motomjetin pa Leje Drejtimi.
- Në Paskuqan, shtetasi N.F është konstatuar dhe verifikuar se drejtonte motomjetin pa Leje Drejtimi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.