Shpenzimet shtetërore në SHBA – Tejkalojnë $2 trilionë në 2018, Medicaid zë pjesën më të madhe
Shpenzimet shtetërore të Shteteve të Bashkuara kaluan 2 trilionë dollarë për të parën herë, gjatë vitit fiskal 2018, ndërkohë që shpenzimet për programin e shëndetësisë “Medicaid”, kanë pasur rritjen më të madhe ndjekur nga transporti. Shpenzimet totale u rritën me 4.8%, krahasuar me vitin fiskal 2017, sipas Shoqatës Kombëtare të Oficerëve të Buxhetit Shtetëror. Raporti vjetor u fokusua në 7 kategori kryesore të shpenzimeve shtetërore, që janë arsimi fillor dhe i mesëm, arsimi i lartë, asistenca publike, Medicaid, korrigjime, transporti dhe “të tjera”.
Secila kategori pati rritje në vitin fiskal 2018, me asistencën publike që pati rritjen më të ulët me 0.7% dhe Medicaid, që është program federal i kujdesit shëndetësor për të varfrit, me rritjen më të madhe me 7.3%. Rritja e shpenzimeve nga fondet federale tejkaloi shpenzimet nga të ardhurat e gjeneruara nga shteti, përfshirë fondet e përgjithshme, theksoi raporti. Medicaid vazhdon të zë pjesën më të madhe të fondeve federale që kanalizohen në shtete. Programi zuri 29.7% të totalit të shpenzimeve në vitin fiskal 2018.
Arsimi fillor dhe i mesëm qëndroi kategoria më e madhe e shpenzimeve nga fondi i përgjithshëm shtetëror. Të ardhurat në fondin e përgjithshëm u rritën gjithashtu me 6.2%, që është norma më e lartë që prej vitit fiskal 2011.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.