Shpërblimet e fundvitit – Kompania gjigande jep 500 milionë dollarë për punonjësit e logjistikës

Amazon ka caktuar një fond prej 500 milionë dollarësh si shpërblim Krishtlindjesh për të gjithë punonjësit e logjistikës, për shkak të orëve shtesë që janë detyruar të bëjnë këtë vit, nga urgjenca e COVID – 19.

“Në Itali, punonjësit e sektorit të logjistikës dhe punonjësit e furnitorëve, përfshirë korrierët që merren me dërgesat e Amazon, të cilët do të punojnë me ne nga 1 dhjetori deri më 31 dhjetor, do të kenë të drejtën e një shpërblimi financiar prej 300 euro bruto, nëse janë të punësuar me kohë të plotë dhe një shumë të ri-proporcionuar nëse ata punojnë në kontrata me kohë të pjesshme” tha Dave Clark, nënkryetari i lartë i Operacioneve të Amazon.

“Unë kam qenë me Amazon për 22 vjet por ky vit  ka qenë shumë i veçantë. Jam mirënjohës për ekipet tona që vazhdojnë të luajnë një rol jetësor në shërbimin e komuniteteve të tyre. Ndërsa i afrohemi sezonit të festave, duam të tregojmë falënderimet tona për të gjithë punonjësit në rrjetin tonë të logjistikës përmes një shpërblimi të veçantë financiar që arrin në mbi 500 milionë dollarë në të gjithë botën “ shprehet më tej Clark.

Burimi origjinal: ilsole24ore

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.