Shpërblimet për mësuesit – Boçi: Janë braktisur për 5 vite, 105 milionë euro shkojnë për koncesione

Me ardhjen  në pushtet të partisë Demokratike do të  këtë  më shumë   mbështetje financiare për arsimin, shpërblimin dhe rritje të pagave për mësuesit si edhe subvencionim për tarifat e studentëve.

Kështu është shprehur  në një dalje për mediat, deputeti demokrat, Luciano Boçi i cili hodhi akuza mbi qeverinë lidhur me  mungesën e shpërblimeve për 34 mijë  mësues   të arsimit para universitar. Sipas Boçit qeveria po shkel kontratën kolektive të firmosur mes ministrisë së Arsimit dhe Sindikatave.

Sipas deputetit demokrat mungesa e shpërblimit për mësuesit është reflektim i braktisjes së arsimit nga qeveria.

Deputeti demokrat u shpreh se 105 milion euro shkojnë për  koncesione me oligarkët, në një kohë që  për mësuesit nuk është dhënë asnjë shpërblim për 5 vite rresht.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.