Shpërblimi 50 dollarë për pensionistët, Duma: Vetēm indeksimi do duhej të kishte qenë dyfishi! Pensioni minimal, 250 mijë lekë
Partia Demokratike ka reaguar pas vendimit të qeverisë që jep shpërblim 50 dollarë për pensionistët. Në emër të kësaj force politike, deputetja Grida Duma tha se nëse do të ishin indeksuar pensionet, atëhere kjo do të kishte qenë dyfishi i shpërblimit që po jepet për pensionistët.
“Paketa e turpit fyerje për pensionistët dhe shoqërinë! Të rinjtë në protestë për të ardhmen, të moshuarit në lëmoshë për jetën.Thotë se ka dhënë 50 dollarë pako turpi për pensionistët sikur t’i ketë nxjerrë nga xhepi dhe jo nga buxheti i përbashkët i qytetarëve. 460 lekë në muaj! Vetēm indeksimi do duhej të kishte qenë dyfishi. Me faturën energjisë të dyfishuar, faturën e ujit të trefishuar, ilaçet mesatarisht mbi 30 mijë lekë të vjetra në muaj, marrin pako denigrimi 50 dollarë në vit. Vetëm nga rritja e çmimeve dhe shtrenjtësia e jetës do duheshin minimalisht 50 dollarë në muaj për të pasur të njëjtat shërbime si 5 vjet më parë” deklaroi Duma.
Sipas deputetes, për pensionistët ka vetëm një zgjidhje alternativa e PD, 250 mijë lekë pensioni minimal.
SCAN
Qeveria miraton shpërblimet, kryeministri: Pako e Vitit të Ri do të jetë 50 dollarë!
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.