Shpërndahet Parlamenti i Maqedonisë së Veriut – Caktohet data e zgjedhjeve të parakohshme
Parlamenti i Maqedonisë së Veriut është vetëshpërndarë dhe kanë caktuar datën 12 Prill për zgjedhje të parakohshme, tetë muaj përpara mbarimit të mandatit aktual, në atë që shihet si një provë madhore për politikat pro-BE të socialdemokratëve të ish kryeministrit Zoran Zaev.
Masa është miratuar nga 108 deputetë në parlamentin me 120 vende, pas dorëheqjes së Zaev muajin e kaluar që erdhi pasi Bashkimi Europian dështoi t’i jepte vendit një datë për të filluar bisedimet për anëtarësimin në bllok.
Kabineti i Zaev u zëvendësua nga një qeveri e përkohshme e udhëhequr nga Ministri i Brendshëm Oliver Spasovski i cili kishte për detyrë të sigurojë kushte për një votim të lirë dhe të drejtë.
Presidenti francez Emmanuel Macron në tetor nuk pranoi të lejojë që Maqedonia e Veriut të fillojë bisedimet e hyrjes në BE, megjithë shqetësimet për ndërhyrjet kineze dhe ruse në Ballkan. (Reuters)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.