Shpërndarja e ushqimit –Alibaba po shpenzon mld dollarë për të marrë nën kontroll platformën më të madhe
Alibaba po shpenzon miliarda dollarë për të marrë nën kontroll një prej shërbimeve më të mëdha të ofrimit të ushqimit në Kinë. Kompania më e madhe e tregtisë elektronike në Kinë tha të hënën se do të blejë të gjitha aksionet e mbetura në platformën më të madhe të ofrimit të ushqimit, ‘Ele.me.’
Alibaba dhe një nga bashkëpunëtorët e saj tashmë posedojnë 43% të ‘Ele.me’, sipas një deklarate të kompanisë. Marrëveshja, e cila vlerëson ‘Ele.me’ në 95 miliardë dollarë duke përfshirë borxhin, i mundëson Alibaba-s të sjellë fitim më të madh në rrjetin e internetit të bizneseve që prekin më shumë fusha të jetës së konsumatorëve kinezë.
Kompanitë e teknologjisë janë të etur të futen në tregun e ofrimit të ushqimit në Kinë, i cili pritet të rritet me 18% në 241 miliardë juanë (38 mld dollërë) këtë vit, sipas firmës kërkimore iiMedia.
Tencent, kompania më e madhe e teknologjisë së Kinës me vlerën e tregut, ka derdhur miliarda dollarë në Meituan-Dianping, një tjetër rrjet kryesor i shpërndarjes. Meituan-Dianping u mundëson përdoruesve të bëjnë rezervime për drekë, të porosisin ushqim dhe të blejnë bileta të filmave përmes një aplikacioni të vetëm në celular. Një raund financimi në tetor e vlerësoi atë afërsisht 30 miliardë dollarë, duke e bërë atë një nga start-up-et më të vlefshme në botë.
Kompania më e madhe e Kinës për udhëtime, Didi Chuxing, është gjithashtu në prag të fillimit të shërbimeve të shpërndarjes së ushqimeve në Kinë. Alibaba është duke blerë kompaninë ushqimore ‘Ele.me’, duke e vlerësuar fillimisht me 9.5 miliardë dollarë. Një trend i ngjashëm po ‘luhet’ edhe në Shtetet e Bashkuara të Amerikës.
Amazon, kompania me të cilën Alibaba është krahasuar më shpesh, u bashkua me kompaninë ushqimore në internet, ‘Olo’ në shtator në një përpjekje për të zgjeruar shërbimin e restoranteve Amazon.
Për Alibaba-n, blerja e ‘Ele.me’ është pjesë e përpjekjeve të kompanisë’ për të lidhur përdoruesit e smartfonëve me shërbimet e botës reale.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.