Shpërthen vullkani në ishullin e Stromboli të Italisë – Vret një person

Një vullkan në ishullin Stromboli të Italisë shpërtheu të mërkurën, duke lëshuar magmë të nxehtë të bllokuar në një shpërthim të fuqishëm, duke vrarë një person dhe mbështjellë destinacionin popullor turistik nën hi, thanë dëshmitarë dhe zyrtarë lokalë. Personi, që besohet të jetë një turist, u vra nga gurët në rënie gjatë një shëtitjeje, tha një zyrtar i shërbimit të shpëtimit. Një person i dytë u plagos.

Shpërthimi i papritur ndikoi në ndezjen e zjarrit në anën perëndimore të ishullit të vogël mesdhetar, që ndodhet në veri të Sicilisë, jashtë gishtit të Italisë. Ekipet e zjarrit u thirrën nga vende të afërta dhe një avion kanadez ishte tashmë në veprim.

Turistët shpesh ngjiten në majën e vullkanit prej 924 metrash (3 000 këmbë) dhe shikojnë në krater, me copëza shkëmbore të vogla që zakonisht fluturojnë në qiell nën shpërthime të vogla. Nuk dihet nëse dikush ishte në krater në kohën e shpërthimit. Sipas faqes së internetit të geology.com, Stromboli është një nga vullkanet më aktive në planet dhe ka shpërthyer pothuajse vazhdimisht që nga viti 1932.

Ishulli ka shërbyer si ‘dekor’ për një film të vitit 1950 me protagonisten Ingrid Bergman së bashku me ishuj të tjerë në arkipelagun Aeolian, duke u kthyer në një vend të preferuar në dekadat e fundit për shtëpitë e pushimeve për të pasurit dhe të famshmit. (Reuters)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.