Shpërthimi në Beirut mund të ketë pasur shkaktar Sirinë? Hetimet zbulojnë 3 biznesmen të lidhur me Bashar al-Assad

Kompania e përdorur për të transportuar një rezervë të madhe të nitratit të amonit në portin e Beirut, që shkaktoi një shpërthim shkatërrues gushtin e kaluar, ka qenë e lidhur me tre biznesmenë që kanë lidhje me presidentin sirian, Bashar al-Assad, një hetim i ri ka gjetur.

Zbulimet në lidhje me Savaro Ltd – një kompani në Londër – kanë shtuar dyshimet se Bejrut ka qenë gjithmonë destinacioni i synuar i ngarkesës, dhe jo Mozambiku, pika zyrtare e saj përfundimtare.

Ato gjithashtu për herë të parë ngrenë mundësinë që shpërthimi i 2,750 tonë nitrat në Bejrut mund të ketë qenë një nënprodukt i përpjekjeve të zyrtarëve sirianë për të përdorur nitratin për prodhim armësh.

Interpol këtë javë lëshoi urdhër-arrest për tre figura që mendohet se janë të rëndësishme për hetimin: një shtetas rus, Igor Grechushkin, i cili besohet të jetë pronari i MV Rhosus; një tjetër rus, Borys Prokosheë, i cili ishte kapiten i anijes në atë kohë; dhe Jorge Moreira, i cili është Portugez. Ai dyshohet se e ka furnizuar nitratin e amonit nga një fabrikë gjeorgjiane, Rustavi Azot. Firma është e lidhur me Assads.

Javën e kaluar, ndërmjetësi libanez i energjisë Walid Jumblatt tha: “Unë bëj thirrje për vazhdimin e hetimit për të zbuluar qëllimin e nitratit. Është e rëndësishme të përcaktohet nëse mund të ketë qenë i destinuar për regjimin sirian.”

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.