Shpërthimi vullkanit nënujor përmbyt shtetin e Amerikës Latine (VIDEO)

Më shumë se 20 porte peruane u mbyllën ndërsa uji detit përmbyti shtëpitë dhe bizneset në qendër dhe veri të vendit ndërsa u raportuan 2 viktima të mbytura pas shpërthimit të së shtunës të një vullkani nënujor në Tonga.

Vullkani nënujor jashtë Tongës shpërtheu të shtunën, duke shkaktuar paralajmërime për cunami dhe urdhra evakuimi në Japoni dhe duke shkaktuar valë të mëdha në disa ishuj të Paqësorit Jugor, ku imazhet në mediat sociale tregonin valët që përplaseshin me shtëpitë në brigje.

Një imazh satelitor tregon shtëllungën që ngrihet mbi Tonga kur vullkani nënujor Hunga Tonga-Hunga Ha’apai shpërtheu të shtunën. Më shumë se 20 porte peruane u mbyllën përkohësisht si masë paraprake mes paralajmërimeve se vullkani po shkaktonte valë të larta anormale, tha Indeci të dielën.

Imazhet televizive treguan disa shtëpi dhe biznese të përmbytura nga uji i detit në zonat bregdetare në Perunë veriore dhe qendrore. Marina peruane kishte raportuar se një alarm për cunami ishte përjashtuar për vendin e Bregut të Paqësorit.

Në Japoni, qindra mijëra njerëz u këshilluan të evakuoheshin të dielën pasi valët prej më shumë se një metër goditën zonat bregdetare, raportoi transmetuesi publik NHK. Pamjet në mediat sociale treguan valë të mëdha që përplaseshin në shtëpitë bregdetare në disa ishuj të Paqësorit Jugor. The Guardian

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.