Shpëtojnë nga përmbytja e Shkumbinit qindra hektarë tokë – Çuçi inspekton investimin prej 45 milionë lekë

Ministri i Bujqësisë dhe Zhvillimit Rural, Bledi Çuçi ishte në Cërrik për të parë nga afër investimin e bërë në një pjesë të argjinaturës së lumit Shkumbin, falë të cilit qindra hektarë tokë bujqësore dhe dy lagje të zonës do të shpëtojnë nga përmbytja.

“Kjo është një vepër që mbron jo vetëm qindra hektarë tokë, të cilat tashmë po marrin një zhvillim, por mbron nga përmbytja dy lagje të Cërrikut si “Ferma” dhe “Shelgu”.  Është një ndërhyrje që më në fund do të sistemojë këtë pjesë të shtratit të Shkumbinit, si dhe do të mbrojë prodhimin bujqësor të fermave këtu afër”, tha Çuçi.

Sipas ministrit vlera e këtij investimi është 45 milionë lekë. Krahas rindërtimit të argjinaturës janë ngritur edhe disa panele mbrojtëse nga erozionit dhe përmbytja e tokave bujqësore.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.