“Shpiragu” gati për 2-3 vite – Bojaxhi: Kam informacione se prodhimi masiv i naftës do të fillojë
Në emisionin “Argument” të së Enjtes mbrëma u diskutua gjerësisht për keqmenaxhimin e pasurisë publike. Veç vendimit më të ri të qeverisë për të pezulluar kontratat dhe licencat për HEC-et jo-operative u diskutua gjerësisht edhe për vendburimin e naftës të Shpiragut për të cilin pak ditë më parë foli edhe kryeministri Rama. Ish zv. Ministri i ekonomisë, Tregtisë dhe Energjetikës, Gjergj Bojaxhi ndërkohë u shpreh se Shpiragu shumë shpejt do të fillojë të prodhojë naftë masivisht.
Ndër të tjera, Bojaxhi u ndal edhe te fakti se blloku 4 i naftës, ku edhe përfshihet vendburimi i Shpiragut është në një zonë të mbrojtur, ku përveç Zagorisë, përfshin edhe luginën e Vjosës.
Edhe tre panelistët e tjerë ranë dakord njëzëri se “Shpiragu” përmban një pasuri mjaft të madhe nëntokësore, për të cilën ka dijeni prej dekadash, por që vetëm me ardhjen e një investitori të fuqishëm si “Shell” do të mund të dalë në sipërfaqe.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.