Shpresë për ekonominë e tretë – Itali, prodhimi industrial dhe besimi në rritje të ndjeshme
Prodhimi industrial në Itali është regjistruar në rritje gjatë Korrikut të këtij viti, me 4.4% në krahasim me të njëjtin muaj të vitit të kaluar dhe me vetëm 0.1% në krahasim me muajin paraardhës.
Performanca më e dobët vjen nga sektori energjetik. Të dhënat e institutit të statistikave në Itali flasin për muajin e gjashtë me rritje për sektorin industrial, çka e çon rritjen vjetore në 2.6%.
Rritjen më të madhe gjatë Korrikut e regjistrojnë mallrat jetëgjatë të konsumit, me 6.2%.
Rritje të konsiderushme regjistrojnë edhe makineritë dhe pajisjet, me 8%. Sektori energjetik ndërkohë duket se reflekton thatësirën e muajve të verës.
Të dhënat e fundit sinjalziojnë se, industria do të ketë kontribut domethënës në rritjen ekonomike të vendit gjatë këtij viti.
Vetëm gjatë gjysmës së parë të këtij viti, eksportet janë rritur me plot 8%. Edhe indikatorët cilësorë po performojnë mjaft mirë.
Indeksi i besimit të sipërmarrjes ka prekur nivelin më të lartë të dhjetë viteve të fundit, çka do të thotë se, ekonomia e tretë më e madhe e eurozonës më në fund po sheh dritë në fund të tunelit.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.