Shpronësime në Vlorë – 70 milion lekë për pronarët që preken nga projekti në sheshin Isa Boletini dhe Port
Agjencia Shtetërore për Shpronësim ka shpallur kërkesën për shpronësim, për interes publik, të pronarëve të pasurive të paluajtshme, pronë private, të cilat preken nga realizimi projektit “Rigjenerim urban i shëtitores bregdetare qendrore të Vlorës, sheshit ‘Isa Boletini’ dhe Portit, Bashkia Vlorë”, me vlerë totale paraprake të shpronësimit 70,237,995.34 (shtatëdhjetë milionë e dyqind e tridhjetë e shtatë mijë e nëntëqind e nëntëdhjetë e pesë pikë tridhjetë e katër) lekë.
Subjekti kërkues i këtij projekti është Bashkia Vlorë e cila kërkon të njoftojë personat e prekur nga ky shpronësim, për interes publik, për pasuritë e paluajtshme, pronë private, të cilat do të kompensohen sipas vlerësimit paraprak të llogaritur:
Për pasuritë e llojit “truall” është bërë bazuar në vendimin nr. 89, datë 3.2.2016, të Këshillit të Ministrave, “Për miratimin e hartës së vlerës së tokës në Republikën e Shqipërisë”.
Për pasuritë e llojit “ndërtesë” është bërë sipas VKM-së nr. 138, datë 23.3.2000, “Për kriteret teknike të vlerësimit dhe të përllogaritjes së masës së shpërblimit të pasurive që shpronësohen, të pasurive që zhvlerësohen dhe të të drejtave të personave të tretë, për interes publik”, të ndryshuar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.