Shpronësohen pronarët që preken nga projekti “Sistemim-asfaltim i rrugës ‘Fuat Toptani’ – Rreth 65 milion lekë për përfituesit
Agjencia Shtetërore për Shpronësimin nëpërmjet një njoftimi të publikuar në Fletoren Zyrtare ka shpallur kërkesën për shpronësim për interes publik të pasurive të paluajtshme, pronë private, që preken nga realizimi i projektit “Sistemim-asfaltim i rrugës ‘Fuat Toptani’”.
Subjekti kërkues i këtij projekti është Bashkia Tiranë. Personat e prekur nga ky shpronësim për pasuritë e paluajtshme, pronë private, do të kompensohen sipas vlerësimit paraprak të llogaritur, bazuar në VKM-në nr. 89, datë 3.2.2016,“Për miratimin e hartës së vlerës së tokës në Republikën e Shqipërisë”, për pasuritë e llojit “truall”.
Vlera totale paraprake e shpronësimit është 65 798 622 (gjashtëdhjetë e pesë milionë e shtatëqind e nëntëdhjetë e tetë mijë e gjashtëqind e njëzet e dy) lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.