Shqetësimet e bankierëve qendrorë / UBS: Inflacioni, Covid-19 dhe nivelet e larta të borxhit qeveritar

Inflacioni është një nga shqetësimet kryesore të bankave qendrore, së bashku me dështimin e dhënies fund të krizës së Covid me rritjen e niveleve të borxhit, sipas një sondazhi të bankës zvicerane UBS. Shqetësimi mbi inflacionin dhe rritja e pakontrolluar e yield-eve afat-gjatë është ngritur nga 57% e të anketuarve në raportin e këtij viti të bankës, si rreziku kryesor ndaj ekonomisë botërore.  Dështimi për të përfunduar pandeminë është përmendur si shqetësim nga 79% e të anketuarve, me 71% që kanë theksuar nivelet e larta të borxhit qeveritar.  Duke reflektuar irritimin mbi Covid-19, gjysma e pjesëmarrësve mendojnë se virusi do përfundojë pas vitit 2022.  Manaxhuesit e Rezervave nga rreth 30 banka qendrore në botë, kanë marrë pjesë në sondazhin e zhvilluar nga Prilli në Qershor.   “Inflacioni është përsëri shqetësimi kryesor i bankierëve qendrorë”- tha Massimiliano Castelli, kreu i strategjisë dhe këshillave i UBS.  Tek rreziqet e lidhura specifikisht me investimet në rezervat e këmbimit valutor,  shqetësimi kryesor, i përmendur nga 86% e të anketuarve, qëndrojnë yieldet e ulëta apo negative.   Mbi 2/3 e pjesëmarrësve presin që Rezerva Federale në SHBA të rrisë normën bazë të interesit në vitin 2023, ndërsa 30% presin që Fed ta bëjë në vitin e ardhshëm.   Nga ana tjetër, të anketuarit presin një cikël më të vonë të tkurrjes nga Banka Qendrore Europaine, me vetë m33% që presin rritjen e parë të interesave në vitin 2023, 41% në 2024- dhe vetëm 26% sipër atij viti.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.