Shqipëri-Greqi, një vit me tensione por jo për tregtinë! Çfarë ka ndodhur me importet dhe eksportet
Marrëdhëniet e Shqipërisë dhe Greqisë këtë vit janë karakterizuar nga tensione të natyrës politike por kjo duket se nuk ka ndikuar te shkëmbimet ekonomike mes dy vendeve.
Nëse analizojmë të dhënat e tregtisë së jashtme të publikuara nga INSTAT, dy vendet kanë njohur një rritje të shkëmbimeve tregtare mes tyre. Si eksportet ashtu edhe importet kanë njohur rritje pothuajse në të njëjtin nivel.
Referuar këtyre të dhënave, në periudhën janar-nëntor 2018 eksportet e Shqipërisë drejt Greqisë arritën vlerën 12 miliardë e 246 milion lekë. Në krahasim me të njëjtën periudhë të një viti më parë konstatohet një rritje me 1.5 miliardë lekë.
I njëjti nivel rritje konstatohet edhe te importet. Referuar të dhënave të INSTAT, në periudhën janar-nëntor 2018 Shqipëria importoi nga Greqia mallra në vlerë 47 miliardë lekë duke njohur një rritje me 1.6 miliardë lekë krahasuar me të njëjtën periudhë të një viti më parë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.