Shqipëri-Kosovë, Lekaj: Festa kombëtare, këtë 28 nëntor na gjen me lajme të mira!

Përveç pikës doganore Morinë-Vermicë, mes Shqipërisë dhe Kosovës do të ketë edhe pika të tjera kufitare.

Ministri i Infrastrukturës Pal Lekaj nëpërmjet një statusi në facebook shkruan se mes dy vendeve do të ketë edhe shumë projekte të përbashkëta, por që do të bëhen publike në festat e nëntorit.

“Shumë projekte të përbashkëta Kosovë – Shqipëri, që do të bëhen realitet së shpejti, biseduam me ambasadorin e Shqipërisë në vendin tonë, Qemal Minxhozi. Krahas Vërmicës, edhe pikat e tjera kufitare duhet të lidhen me infrastrukturë rrugore. Festa kombëtare, këtë 28 nëntor na gjen me lajme të mira!”.

Mbledhja e dy qeverive Shqipëri – Kosovë është parashikuar të mbahet në nëntor në qytetin e Pejës, ku pritet të nënshkruhen në sërë marrëveshjesh, kryesisht me karakter ekonomik. Kjo është mbledhja e 5-të që zhvillohet mes dy vendeve.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.