Shqipëri – Turqi në 2020/ 1 miliardë lekë më shumë eksport, rënie e ndjeshme e importit
Shqipëria ka eksportuar 1 miliardë lekë më shumë mallra drejt Turqisë në vitin pandemik. Sipas të dhënave të Institutit të Statistikave mbi Tregtinë e Jashtme, për vitin 2020, eksporti nga Shqipëria në Turqi ka qenë në vlerën 3 miliardë lekë, nga 2 miliardë lekë në vitin 2019.
Nga ana tjetër, referuar Instat, e kundërta ka ndodhur me importin nga Turqia. Në periudhën janar – dhjetor 2020, importi ka rënë me 6.2%, krahasuar me të njëjtën periudhë të vitit paraardhës. Nga 61.7 miliardë lekë mallra të importuar në vitin 2019, kjo shifër ra në 57.9 miliardë lekë përgjatë 2020- ës.
Grupmallrat që kanë ndikuar më shumë në rënien “e ndjeshme” të importit janë ‘minerale, lëndë djegëse, energji elektrike’ dhe ‘tekstile dhe këpucë’.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.