Shqipëria 10 vjet në NATO – Rama: Partnerët europianë të na besojnë, siç bëri NATO 1 dekadë më parë
Festimet e 10 vjeçarit të anëtarësimit të Shqipërisë në NATO kanë mbledhur në Tiranë përfaqësues nga 29 vende anëtare të kësaj aleance, të pranishëm në një seri aktivitetesh.
Eventi qendror u zhvillua në orën 11 në Sheshin Nënë Tereza, me parakalimin e mbi 2500 ushtarakëve, mbi 100 mjete dhe helikopterësh. Nuk kanë munguar as avionët e Natos, katër prej të cilëve fluturuan gjatë paradës në qiellin e Tiranës.
Pjesë e eventit ishin ministra të Mbrojtjes dhe shefa shtabesh të vendeve anëtare dhe komandave të NATO-s, ambasadorë, atashe të akredituar në vendit tone, parlamentarë, flamurtarë të vendeve anëtare të NATO.
Të pranishëm qenë gjithashtu President i republikës Ilir Meta dhe Kryeministri Edi Rama. Në fjalën e tij, si Komandanti i Përgjithshëm i Forcave të Armatosura, Meta theksoi sfidat e reja me të cilat përballet aktualisht aleanca duke garantuar se Shqipëria do të vijojë të kontribuojë në të gjitha misionet.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.