Shqipëria, 6 miliardë lekë mallra më shumë nga Kina! Por çfarë është importuar….
Shqipëria ka importuar këtë vit rreth 6 miliardë lekë mallra më shumë nga Kina. Referuar të dhënave të tregtisë së Jashtme të publikuara nga Instat, rezulton se në periudhën janar-shtator 2019, Shqipëria ka importuar nga Kina mallra në vlerë 44 miliardë lekë. Në të njëjtën periudhë të një viti më parë, janar-shtator 2018, niveli i importeve nga Kina ishte 38 miliardë lekë.
Por çfarë mallrash janë importuar?
Referuar të dhënave të INSTAT, dy grupmallrat që kanë ndikuar më shumë janë grupmallrat “materiale ndërtimi e metale” dhe “Makineri, pajisje dhe pjesë këmbimi”
Në periudhën janar-shtator 2019, Shqipëria imortoi ngaKina2 miliardë lekë më shumë materiale ndërtimi dhe metale si dhe 2 miliardë lekë më shumë “makineri, pajisje dhe pjesë këmbimi”.
Po ashtu, nga Kina në këtë periudhë janë importuar 1 miliardë lekë më shumë tekstile dhe këpucë dhe thuajse 1 miliardë lekë më shumë produkte kimike dhe plastike.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.