Shqipëria dhe Çekia nënshkruajnë protokollin e bashkëpunimit ekonomik! Çfarë synohet
Shqipëria dhe Çekia nënshkruan në Pragë Protokollin e Sesionit të 6-të të grupit të përbashkët të punës për bashkëpunim ekonomik mes Shqipërisë dhe Çekisë.
“Për palën shqiptare, Protokolli u nënshkrua nga Zv. Ministrja e Financave dhe Ekonomisë, znj. Belinda Ikonomi, dhe për palën çeke nga Zv. Ministrja e Industrisë dhe Tregtisë, znj. Martina Tauberová. Ky protokoll përfshin çështje të bashkëpunimit ekonomik, tregtisë dhe investimeve ndërmjet dy vendeve në fusha si, infrastrukturë, industri, energji, mjedis, bujqësi, turizëm, standardizim, metrologji, etj”njofton ministria.
Referuar njoftimit, dy zëvendësministret vlerësuan, gjatë këtij sesioni, bashkëpunimin e deritanishëm dhe diskutuan mbi hapat e mëtejshëm që do të ndërmerren nga të dyja palët në vijim, në fushat me interes reciprok.
“Përgjatë dy ditëve, ekspertët teknikë të këtyre fushave diskutuan mbi mundësitë dhe hapësirat për bashkëpunim, si dhe evidentuan mekanizmat dhe instrumentat që do të bëjnë të mundur implementimin e këtij protokolli” vijon njoftimi.
Shkëmbimet tregtare mes Shqipërisë dhe Çekisë për vitin 2019 kapin një vlerë prej 94 milion euro, ku importet llogariten 60.44 milion euro, ndërsa eksportet në 33.98 milion euro.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.