Shqipëria dhe Italia arrijnë marrëveshjen për njohjen e patentave. Vendi fqinj do të jetë edhe avokati kryesor në integrimin evropian
Kryeministri Rama dhe ministrja e Punëve të Jashtme, Olta Xhaçka kanë njoftuar arritjen e marrëveshjes dypalëshe me Italinë fqinje mbi disa iniciativa ekonomike që do ndikojnë në mënyrë të drejtpërdrejtë mbi marrëdhëniet ekonomike dhe sociale të dy vendeve.
Ministrja Xhaçka është shprehur se janë tre marrëveshje që janë arritur me homologun Di Maio, ku ndër to më e vlefshmja është ajo e njohjes së patentave, ndërsa forcohet bashkëpunimi edhe në fushën e integrimit:
-Bashkëpunimin dypalësh, që do të njohë një zhvillimin të ri me ngritjen e Komisionit të Përhershëm Ekonomik dhe Social;
-Marrëveshjen e shumëpritur mbi njohjen reciproke të lejeve të drejtimit të automjeteve, për të cilën dakordësuam të firmoset në Tiranë javën e ardhshme;
-Integrimin dhe rolin e Italisë si avokatja më e fortë e Shqipërisë.
Kryeministri Rama në rrjete sociale është shprehur se pas këtij lajmi të shkëlqyer do të investohet për të arritur një tjetër marrëveshje të shumëpritur si ajo e njohjes së pensioneve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.