Shqipëria dhe Kosova, “bashkohen” me energjinë – Marrëveshje mes dy vendeve për krijimin e tregut të përbashkët energjetik
Shqipëria dhe Kosova kanë nënshkruar marrëveshjen për bashkimin e tregjeve të energjisë elektrike. Kryetarët e Enteve Rregullatore dhe Administratorët e të dy Operatorëve të Sistemit të Transmetimit nënshkruan në Tiranë marrëveshjen mbi bashkimin e tregjeve të energjisë elektrike mes Shqipërisë dhe Kosovës.
Marrëveshja do të jetë bazë për marrëveshje të tjera të njëpasnjëshme, kushte dhe metodologji që do të miratohen për vënien në jetë të tregut të përbashkët energjetik nëpërmjet Bursës Shqiptare të Energjisë Elektrike, ALPEX.
Kjo arritje e rëndësishme për të dy vendet pati gjatë gjithë procesit gatishmërinë dhe mbështetjen e fortë të USAID në Shqipëri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.