Shqipëria dhe Maqedonia e Veriut, ‘afër dhe larg’- 2019 dobëson partneritetin tregtar
Partneriteti tregtar me Maqedoninë e Veriut, si përsa i përket eksportit, ashtu edhe importit, është dobësuar për 2019-ën. Edhe pse viti nuk ka përfunduar, sipas Instat, shifrat e këtij 8 mujori (janar- gusht) flasin për një rënie të ndjeshme të shkëmbimeve tregtare me Maqedoninë e Veriut.
Përkatësisht, në janar- gusht 2019, Shqipëria eksportoi mallra në vlerë 5.5 milionë lekë në Maqedoninë e Veriut, ndërkohë që për të njëjtën periudhë të vitit paraardhës, vlera e eksportit drejt kësaj të fundit shënohej 5.7 milionë lekë. E përkthyer në shifra, Shqipëria ka eksportuar afro 190 milionë lekë më pak mallra drejt Maqedonisë së Veriut.
Nga ana tjetër, importi maqedonas ka ndjerë një rënie edhe më të theksuar se eksporti, me afro 480 milionë lekë. Referuar Instat, në janar- gusht 2018, Shqipëria importoi nga Maqedonia e Veriut mallra në vlerë 6.08 milionë lekë, ndërsa në 8 mujorin e këtij viti (janar- gusht), importi vendas nga Maqedonia e Veriut, ra me afro 8%, konkretisht, në vlerën e 5.6 milionë lekëve.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.