Shqipëria dhe Maqedonia e Veriut, marrëveshje për qendra të përbashkëta

Shqipëria dhe Maqedonia e Veriut angazhohen për të hapur qendra të përbashkëta kulturore. Referuar projektligjit të depozituar në Kuvend, në focus të nismës është zhvillimi dhe forcimi i bashkëpunimit në fushën e kulturës, përhapjen e kulturës shqiptare dhe prezantimin e saj në Maqedoninё e Veriut dhe anasjelltas.

“Kjo do tё realizohet nëpërmjet ngritjes sё qendrave kulturore dhe informative, tё cilat do tё prezantojnë kulturёn e shteteve respektive nëpërmjet organizimit të eventeve, ekspozitave, ligjëratave letrare, promovimit nё media dhe ofrimit tё shёrbimeve informative për qytetarët e interesuar të të dyja palëve. Hyrja në ambientet e qendrave kulturore dhe informative dhe në eventet e organizuara prej tyre do tё jetё e lirё pёr qytetarёt. Qendrat kulturore dhe informative janë qendra shtetërore dhe mënyra e financimit të tyre do të përcaktohet nga secila palë” shpjegohet në relacion.

Qendrat do të ngrihen si pjesë e Ambasadës së Republikës së Shqipërisë, e akredituar në Republikën e Maqedonisë sё Veriut, dhe anasjelltas. Secila nga qendrat do të drejtohet nga një drejtor, i cili emërohet nga qeveria e pales dërguese, ndërsa veprimtaritë e tyre do t’i kryejnë nën udhëheqjen e përgjithshme të kreut të misionit diplomatik të Palës dërguese që po e financon atë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.