Shqipëria dhe SHBA-të forcojnë shkëmbimet tregtare/ Shifrat e Instat, këtë vit niveli më i lartë i 5 viteve të fundit

Shqipëria dhe Shtetet e Bashkuara të Amerikës po njohin një rritje të ndjeshme të shkëmbimeve tregtare. Referuar të dhënave zyrtare të Instat, rezulton se në periudhën janar-tetor 2021, Shqipëria ka eksportuar në SHBA mallra me vlerë rreth 3.7 miliardë lekë, duke njohur një rritje me më shumë se 1 miliardë lekë, krahasuar me të njëjtën periudhë të një viti më parë, raporton SCAN.

E njëjta tendencë konstatohet edhe me importet ku këtë vit, Shqipëria ka importuar mallra me vlerë 13.1 miliardë lekë, duke njohur rritje me 5.7 miliardë lekë në krahasim me një vit më parë.

Si kanë ndryshuar shifrat ndër vite?

Nëse analizojmë të dhënat e 5 viteve të fundit, rezulton se sa i përket eksporteve, ato kanë arritur në nivelet e para pandemisë, e madje mund të konsiderohet si një ndër vitet më të mira të 5 viteve të fundit.

Ndërsa sa i përket importeve, viti 2021 mund të konsiderohet si vit rekordi pasi shifra është në nivelet më të larta të 5 viteve të fundit.

Eksportet Shqipëri-SHBA

Viti 2017

3.4 miliardë

Viti 2018

5.3 miliardë lekë

Viti 2019

3.6 miliardë lekë

Viti 2020

3.2 miliardë lekë

8 mujori 2021

3.7 miliardë lekë

Importet Shqipëri-SHBA

Viti 2017

8.9 miliardë lekë

Viti 2018

9.1 miliardë lekë

Viti 2019

12.3 miliardë lekë

Viti 2020

9.4 miliardë lekë

Tetë mujori 2021   

13.1 miliardë lekë

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.