Shqipëria dominon rajonin – Të parët për prodhimin e naftës, të tretët për konsum
Shqipëria është prodhuesi më i madh i naftës mes vendeve të Ballkanit Perëndimor dhe i treti më i madh në të gjithë Europën juglindore, thotë një raport i publikuar së fundmi nga instituti i energjisë në Europën juglindore, me bazë në Greqi.
Në rajon, ku përfshihen 12 shtete, së bashku me vende si Turqia apo Greqia, Shqipëria është e treta, me një prodhim prej 21100 fuçi nafte në ditë, duke u renditur pas Turqisë dhe Rumanisë.
Ndër 6 vendet e Ballkanit Perëndimor ndërkohë, i vetmi shtet që mund të matet me vendin tonë është Serbia, me një prodhim prej 20.500 fuçi nafte në ditë. Bosnje Hercegovina, Mali i Zi, Kosova dhe Maqedonia ndërkohë kanë zero prodhim nafte.
Kur bëhet fjalë për konsumin ndërkohë, Shqipëria renditet e treta ndër vendet e Ballkanit perëndimor, pas Serbisë dhe Bosnje Hercegovinës. Raporti vlerëson se, në vendin tonë, konsumi i naftës fiksohet në 24 mijë fuçi në ditë, lehtë mbi prodhimin.
Gjithsesi, prodhimi vendas duhet ndare nga konsumi, pasi bëhet fjalë për naftë bruto, pra të papërpunuar, dhe që në pjesën dërrmuese eksportohet jashtë, në mungesë të kapaciteteve përpunuese në vendin tonë.
| Albania | 21,100 | 24,000 |
| Bosnia and Herzegovina | 0,00 | 33,000 |
| Bulgaria | 3,600 | 90,000 |
| Croatia | 18,000 | 76,000 |
| Cyprus | 0,00 | 53,000 |
| FYROM | 0,00 | 18,000 |
| Greece | 1,900 | 285,300 |
| Montenegro | 0,00 | 6,100 |
| Romania | 103,000 | 187,200 |
| Serbia | 20,560 | 76,000 |
| Kosovo | 0,00 | 12,000 |
| Turkey | 61,000 | 719,270 |
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.
Artikujt e fundit
