“Shqipëria, gati për çeljen e negociatave” – Cakaj: Detyrimet teknike janë përmbushur. Vendimi, shtysë për aspiratat
Hapja e negociatave për anëtarësimin e Shqipërisë në Bashkimin Europian, për ministrin e jashtëm në detyrë Genti Cakaj, do të jetë një shtysë e rëndësishme për të realizuar ndryshimet që ne aspirojmë.
Në një konferencë të përbashkët për shtyp me ambasadorin e BE në Tiranë Luigi Soreca, në nisje të javës europiane, Cakaj nënvizoi se vendi ynë i ka përmbushur detyrimet teknike duke shtuar se çështja ka të bëjë edhe me vullnetin politik të vendeve anëtare.
Gent Cakaj Ambasadori Soreca u shpreh për një progress nga ana e Shqipërisë në këtë drejtim ai shtoi se komisioni do të jap vendimin e duhur në qershor
Soreca foli edhe për vizitën e përfaqësueses së lartë të BE-së Federica Mogerini e cila pritet të vizitojë Tiranën në 8 maj, duke bërë të qartë se vizita e saj nuk ka për synim një ndërmjetësim për të zgjidhur ngërçin politik duke ia lënë në dorë politikës shqiptare zgjidhjen e tij.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.