Shqipëria hap tenderin ndërkombëtar për Aeroportin e Vlorës! Balluku: Së shpejti edhe Thumanë-Rrogozhinë
Shqipëria ka hapur zyrtarisht tenderin ndërkombëtar për ndërtimin e aeroportit të Vlorës. Në ceremoninë e çeljes së garës, ministri i Turizmit evidentoi përfitimet që do të ketë turizmi në vend ashtu sikurse dhe ministrja e Financave dhe Ekonomisë evidentoi përfitimet ekonomike.
Ndërsa ministrja e Infrastrukturës Belinda Balluku evidentoi se ndërtimi i aeroportit të Vlorës do të shoqërohet me ndërtimin e tunelit të Llogorasë që më pas të lehtësojë lëvizjen e turistëve në jug të vendit.
Krahas këtij tenderi, ministrja bëri të ditur se shumë shpejt do të hapet tenderi për rrugën Thumanë-Rrogozhinë.
Aeroporti i Vlorës ishte parashikuar të ndërtohej nga një konsorcium turk por që më pas u tërhoq nga investimi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.