Shqipëria “humbet” investitorët e huaj! 113 ndërmarrje turke më pak në vetëm 3 vite
3 vjeçari i fundit ka ulur numrin e investimeve turke në vend. Referuar të dhënave të Instat, numri i ndërmarrjeve 100% të huaja, ka ecur me trend rënës në periudhën 2016-2018.
Përsa i përket vitit 2016, numri i ndërmarrjeve të investitorëve turk në Shqipëri ishte 355. Ndërkohë, një vit më vonë, në 2017, ky numër zbriti në 273, derisa në 2018 mbetën vetëm 242 kompani turke në vend.
Në vetëm 3 vite, sipas raportit të Instat, Shqipëria “humbi” 113 ndërmarrje me pronësi 100% turke. Megjithatë, ajo që vihet re në këtë 3 vjeçar është “luhatja” e bashkëpunimeve mes Shqipërisë dhe Turqisë.
Në total, viti 2016 pati vetëm 79 ndërmarrje të huaja të përbashkëta, ndërkohë në 2017, ndërmarrjet me pronësi “të përzier” u bënë 160; më shumë se dyfishim, derisa në 2018, ky numër u luhat sërish derisa ra në 132.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.