Shqipëria i ka bërë detyrat, BE të bëjë të sajat – Rama në Asamblenë e OKB-së: Qasje e re globale për Pandeminë, njihni Kosovën

Në fjalimin e mbajtur të premten para përfaqësuesve të 193 shteteve në Asamblenë e Përgjithshme të OKB, kryeministri Edi Rama për sfidat e Pandemisë Covid 19, shqetësimet që vijnë për shkak të ndryshimit të klimës, njohjen e Kosovës, çështjen e afganëve, nismën Ballkani I Hapur, si dhe integrimin e Shqipërisë në Bashkimin Evropian

Në fjalimin e mbajtur të premten para përfaqësuesve të 193 shteteve në Asamblenë e Përgjithshme të OKB, kryeministri Edi Rama ka prekur një seri çështjesh të rëndësishme që prekin Shqipërinë, rajonin e më gjerë. Ai foli për sfidat e Pandemisë Covid 19, shqetësimet që vijnë për shkak të ndryshimit të klimës, njohjen e Kosovës, çështjen e afganëve, nismën Ballkani I Hapur, si dhe integrimin e Shqipërisë në Bashkimin Evropian. Ai tha se Shqipëria i sjell OKB-së pikëpamjen e një vendi të vogël, por i vetëdijshëm për barrën e të shkuarës dhe sfidat e së ardhmes, por nuk la pa komentuar edhe pandeminë.

Rama tha se Asambleja e OKB-së është e paplotë pa përfshirjen e Kosovës, duke bërë thirrje për njohjen e saj. Lidhur me integrimin e Shqipërisë në BE, Rama tha se vendi ynë I ka bërë detyrat dhe I takon Unionit të bëje të vetën.

Rama e ka mbyllur fjalimin në Asamblenë e OKB-së me shprehjen e famshme të Nënë Terezës: ‘Edhe kur nuk bën dot gjera të mëdha, bëj gjera të vogla çdo ditë, me dashuri.’

Shqipëria u pranua anëtare e OKB në 14 dhjetor 1955 dhe pas 66 vitesh anëtarësie, u votua për herë të parë për të qenë anëtare e përkohshme në Këshillin e Sigurimit për vitet 2022- 2023 duke shënuar një ngjarje historike për vendin tonë.

Ai kërkoi që bota të tregohej më solidare në raste të tilla si pandemia e COVID-19 dhe më bashkëpunuese. Gjithashtu ai bëri thirrje që OKB të njohë Kosovës, pasi kjo Asamble nuk është e plotë dhe nuk do të jetë e plotë pa të.

Rama tha se duhet një qasje tjetër globale për pandemitë dhe se duhet të krijohet një traktat i ri ndërkombëtar pasi ende ka shumë pabarazi në lidje me vaksinat. COVID tregoi qartë se veç e veç vendet kishin kosto të mëdha, tha Rama, ndërsa shtoi se vendet së bashku mund të përballonin gjithçka.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.