Shqipëria, Maqedonia dhe Bullgaria nënshkruajnë marrëveshjen e përbashkët për tregun e energjisë elektrike
Në Sofje të Bullgarisë u nënshkrua Memorandumi i Mirëkuptimit për zhvillimin e tregut të energjisë elektrike midis OST Shqipëri, (ESO EAD) të Bullgarisë dhe (MEPSO AD) të Maqedonisë.
Marrëveshja e nënshkruar, që njoftohet nga Ministria e Infrastrukturës dhe Energjisë, synon integrimin e tregut të energjisë për të tre vendet në përputhje me modelin europian.
“Nënshkrimi i këtij dokumenti, shpreh vendosmërinë për të zhvilluar bashkëpunimin rajonal nëpërmjet krijimit të një Qendre Rajonale Koordinimi të Sigurisë në një shtet anëtar të BE-së Juglindore” njofton ministria.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.