Shqipëria me kamp refugjatësh? – Voda: Jo! Nuk kemi kërkesa nga BE, pavarësisht fluksit
Janë hedhur poshtë zërat se në vendin tonë po ndërtohet ndonjë kamp për pritjen e refugjatëve. Zëvendësministrja e Brendshme, Rovena Voda gjatë një prononcimi për mediat theksoi se bashkimi Europian nuk ka bërë asnjë kërkesë zyrtare për ngritjen e një kampi të tillë, pavarësisht shtimit të fluksit të emigrantëve të paligjshëm që vijnë në Shqipëri nga vendet e treta apo rajonet në konflikt.
Voda shtoi se aktualisht në vendin tonë ekziston vetëm një qendër pritëse për trajtimin e tyre.
Një fluks i lartë emigrantësh vlerësohen të kenë ardhur në Shqipëri që prej janarit të këtij viti, ndërsa pritet një rritje e numrit të tyre. Për përballimin e kësaj situate qeverisë shqiptare iu premtua mbështetje financiare nga kancelari austriak, Sebastian Kurz.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.