Shqipëria, me nivel të lartë risku – “Coface”: Vend i rrezikshëm për biznesin, në Kosovë risku është ekstrem

Agjencia franceze e vlerësimit të riskut, “Coface”, ka mbajtur të pandryshuar notën e riskut të vendit tonë, në “C”. Agjencia mat riskun për faliment të biznesit, dhe shërben si një indikator për investitorët e huaj që duan të vijnë në vend. Nota “C” i referohet riskut të lartë. Krahasuar me vendet e tjera të rajonit, Shqipëria është më mirë se Kosova, që merr notën më të dobët, “E”, e që i referohet nivelit ekstrem të riskut.

Bosnje Hercegovina ndërkohë ka po ashtu një nivel të njëjtë risku me vendin tonë, “C”. Vendet e tjera ndërkohë janë një shkallë më lartë, pranë nivelit të pranueshëm të riskut. Asnjë prej vendeve të Ballkanit Perëndimor nuk ka pësuar ndryshim në nivelin e riskut, sa i përket raportit të “Coface”, që i referohet tremujorit të dytë të vitit.

Në të gjithë kontinentin e vjetër, vetëm niveli i i riskut në Islandë është rishikuar, në rënie, paçka se mbetet në nivelin A3 e që është niveli i kënaqshëm. Në nivel global, vetëm Norvegjia, Belgjika dhe Zvicra janë tre vendet që kanë nivelin më të ulët të riskut, duke marrë notën A. Ndërkohë, shtetet që janë në nivel ekstrem në të gjithë botën janë 14, e bashkë me to figuron edhe Kosova.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.