Shqipëria mori më pak “mall turk” në mars 2019!

Nga studimi i fundit i INSTAT, vihet re një rënie e vlerave të import-eksportit me Turqinë përgjatë muajit Mars.
Më konkretisht duke krahasuar vlerën e eksportit të muajit mars 2018 me atë të këtij viti shohim një ulje prej 17 milionë lekësh ndërsa në lidhje me importet kjo vlerë bëhet më e dukshme duke shënuar një zbritje prej 327 milionë lekësh.

Megjithatë edhe pse muaji Mars ka shënuar ulje të shifrave të tregtisë mes dy vendeve, nga pikëpamja e tre mujorit të parë të vitit 2019 vazhdojmë të mbetemi në vlera progresive.

Si për Importet ashtu edhe për eksportet kemi vlera pozitive duke krahasuar periudhën Janar-Mars 2019 me po këtë periudhë të vitit të kaluar.
Eksportet shënojnë një rritje totale prej 282 milionë lekësh ndërsa për importet kemi një ngritje të vlerave me rreth 90 milionë lekë.

E.S/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.