Shqipëria në 2020 bleu më shumë mjete elektrike. DPSHTRR: Rritje 757 % në krahasim me 2019
Shqipëria po njeh një trend në rritje të përdorimit të makinave elektrike. Referuar të dhënave të publikuara nga Drejtoria e Përgjithshme e Transportit Rrugor, gjatë vitit 2020 janë regjistruar 317 mjete elektrike; 280 mjete më shumë se në vitin 2019.
“Rritje fantastike me +757% e mjeteve elektrike në vitin 2020, krahasuar me 2019-ën!” shkruan DPSHTRR në një postim në rrjetet sociale. Sipas DPSHTRR-së, janë 2 milionë e 360 lekë që i janë kursyer qytetarëve falë zerimit të tarifave fillestare e vjetore për mjetet elektrike & plug-in! Shqipëria ka ndërmarrë politika ligjore dhe fiskale për të nxitur përdorimin e makinave ekologjike.
Veç lehtësive fiskale e proceduriale, në kryeqytet po përgatitet instalimi i pikave të reja të karikimit të mjeteve elektrike në vende të ndryshme, me qëllim stimulimin e mëtejshëm të tyre.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.