Shqipëria, në fund të botës për shëndet dhe prosperitet. Në kulturë edhe më mirë se SHBA apo Italia!
Në një klasifikim të 149 shteteve të botës sipas kontributit të gjithsecilit në zhvillimin dhe të mirën e njerëzimit, Shqipëria renditet e 74-ta, nga vendi i 70-të i një viti më parë. Pra, Shqipëria është vendi i parafundit në Europë, çka do të thotë se, është shteti europian më “i padobishëm”, madje edhe pas Ukrainë, shtet i cili në renditjen e një viti më parë mbante vendin e fundit në kontinentin e vjetër. Të gjuitha vendet e tjera të Ballkanit Perëndimor, me përjashtuim të Kosovës, që nuk merret në analizë, janë më mirë se në në renditje.
Indeksi i “vendeve të mira” (the good country index) përpilohet mbi bazën e kritereve si: Shkenca dhe Teknologjia, kultura, paqja, rendi botëror, klima, barazia, shëndeti dhe mirëqenia.
Ndër to, padiskutim që ajo që i referohet shëndetit dhe prosperitet është një njollë e zezë, pasi në rendit në vendin e 146-të në botë, ndër 149 shtete, madje edhe më keq se vende mjaft të pazhvilluara të Afrikës, Amerikës Latine apo edhe Azisë Jug-lindore.
Kjo performancë e dobët vjen si rrjedhojë e nën-indikatorit që i referohet ndihmës humanitare dhe donacioneve. Një tjetër indikator që na rendit ndër vendet e fundit në botë është ai që i referohet shkencës dhe teknologjisë. Në këtë drejtim, Shqipëria është e 84-ta në botë, por në përmirësim të ndjeshëm në krahasim me vitin paraardhës. Indikatorët që kanë një vlerësim pozitiv ndërkohë, janë ata që i referohen prosperitetit dhe barazisë, si dhe ai i kulturës.
Në drejtim të kulturës, Shqipëria renditet e 37-ta në botë, Të paktën në këtë drejtim vlerësohet si një shtet që i jep diçka njerëzimit, madje edhe më shumë se Rusia, India, Kina, Brazili, Shba, apo edhe Italia, sa për të përmendur disa. Ky indikator në vendin tonë merr shtysë nga eksporti i të mirave dhe shërbimeve kreative, ndjeshëm mbi mestaren globale.
Në nivel global, kurorën e shtetit më të mirë e merr Suedia, e ndjekur nga Danimarka dhe Gjermania.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.