Shqipëria shkatërron mbi 15 mijë armë ilegale! I pari vend në rajon që prish armët e trashëguara nga komunizmi
Ministria e Mbrojtjes njofton se në kuadër të punës për grumbullimin e armatimeve pa leje, janë shkatërruar në Uzinën e Gramshit 15.401 armë ilegale.
“15.401 armë të vogla dhe të lehta të konfiskuara ose të grumbulluara përmes fushatave të vazhdueshme të sensibilizimit janë demontuar në Uzinën Mekanike në Gramsh.
Ky proces pune u inspektua nga zëvendësministrja i Mbrojtjes Dallëndyshe Bici, zëvendësministri i Brendshëm dhe kryetar i Komisionit Kombëtar të AVL (Armëve të Vogla dhe të Lehta) Besfort Lamallari, anëtarë të Komisionit Kombëtar të AVL nga institucione të ndryshme dhe agjenci të pavarura, përfaqësues nga ambasadat etj” njofton ministria.
Shqipëria është vendi i parë në rajon që shkatërroi i pari, armët e trashëguara nga sistemi i kaluar.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.