Shqipëria shpall të padëshirueshëm edhe dy diplomatë iranianë! Arsyet e vendimit

Ministria për Evropën dhe Punët e Jashtme ka vendosur që përfaqësuesit diplomatikë të Ambasadës së Republikës Islamike të Iranit në Shqipëri, Mohammad Ali Arz Peimanemati dhe  Seyed Ahmad Hosseini Alast, të shpallen persona të padëshirueshëm.

Ky vendim, i njoftuar nga ministri i Jashtëm në detyrë i Shqipërisë është marrë për shkak të zhvillimit të veprimtarisë në mospërputhje me statusin e tyre dhe parimet e Konventës së Vjenës për Marrëdhëniet Diplomatike.

“Dy përfaqësuesve të Republikës Islamike të Iranit ju është kërkuar largimi i menjëhershëm nga territori i Republikës së Shqipërisë” njofton ministri.

Më herët, Shqipëria ka shpallur të padëshirueshëm edhe ambasadorin e Iranit në Shqipëri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.