Shqipëria sot në “mëngjes pune” në Bruksel – Di Maio organizon takim me ministrat e jashtëm të BE-së dhe Komisionerin për Zgjerimin!

Ditën e sotme është zhvilluar në Bruksel një ‘mëngjes pune’ i organizuar nga Luigi Di Maio me ministrat e Jashtëm të BE-së dhe Komisionerin e Zgjerimit Oliver Varhelyi me praninë e kryeministrit shqiptar Edi Rama, pak orë para Konferencës së Donatorëve, për të mbështetur hapjen e negociatave për Shqipërinë.

Qëllimi i takimit është pikërisht  diskutimi mbi përparimin e reformave dhe solidaritetin për Konferencën e Donatorëve në lidhje me tërmetin e 26 nëntorit.

“Shtetet anëtare dhe Komisioni janë angazhuar në një përpjekje për ta bërë procesin e integrimit më të besueshëm dhe për të rivendosur besimin e ndërsjellë mes Ballkanit dhe BE-së. Unë sapo bëra një vizitë në Shkup, Prishtinë dhe Beograd, pasi vizitova Shqipërinë në verë. Ky diskutim na lejoi, sigurisht që të rinovonim konsensusin për parimet e së ardhshmes, për zgjerimin dhe për të konfirmuar se e ardhmja e Ballkanit Perëndimor është në BE,” u shpreh Di Maio.

Gjithashtu sipas Di Maios, për të arritur këtë objektiv duhet që shteti i së drejtës, të mbetet gur–themel i procesit të zgjerimit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.