Shqiptarët “e mbetur” në Hungari, Ministria e Jashtme: Ja si duhet të veproni!
Ministria e Punëve të Jashtme ka njoftuar të gjithë shtetasit shqiptarë që ndodhen në Hungari dhe që janë në pamundësi për të lëvizur, për shkak të situatës së krijuar nga coronavirus, të paraqesin kërkesën e tyre për zgjatjen e vizës pranë Drejtorisë së Përgjithshme të Policisë për të Huajt, në Hungari.
“Ministria për Evropën dhe Punët e Jashtme informon të gjithë shtetasit shqiptarë që ndodhen aktualisht në Hungari, me një vizë të vlefshme apo që e kanë të pamundur të largohen nga zona Schengen brenda periudhës 90 ditore, për shkak të rrethanave që nuk varen nga ata, se mund të aplikojnë për zgjatjen e vizës së tipit C pranë autoriteteve hungareze” shkruhet në njoftimin zyrtar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.