Shqiptarët në Kanada – Draft marrëveshja për pensionet gati, pritet firmosja e palëve

Draft marrëveshja për pensionet për shqiptarët në Kanada është finalizuar dhe palët janë gati ta firmosin. Kjo është bërë e ditur gjatë takimit të Ministrit të Shtetit për Diasporën, Pandeli Majko me Ministrin për Refugjatët, Migracionin dhe Shtetësinë në Kanada, Ahmet Hussen.

Dy zyrtarët diskutuan lidhur me këtë marrëveshje, e cila është shumë me interes për shqiptarët atje. Në fokus të diskutimeve është vendosur edhe lehtësimi i lëvizjes së qytetarëve, ku sipas Hussen Kanadaja po ndërmerr një reformë në këtë kuadër.

Përmes saj synohet lehtësi në lëvizje kryesisht për studentët, studiuesit dhe sipërmarrësit që kanë lidhje biznesi në Kanada. Gjatë takimit nuk munguan diskutime edhe për çështje të tjera të cilat shqetësojnë komunitetin shqiptar atje.

Majko ftoi për të marrë pjesë në samitin e dytë të Diasporës, i cili do të zhvillohet në Tiranë zyrtarin e lartë kanadez, ndërsa ky i fundit shprehu gatishmërinë për bashkëpunim me autoritetet shqiptare.

Gjatë vizitës së tij në Kanada, ministri Majko ka zhvilluar takime edhe me sipërmarrësit dhe profesionistët e rinj shqiptarë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.