Shqiptari gjen foton e këmbës së tij të gjymtuar në 1997, të stampuar në pakot e cigareve në gjithë BE!
Një burrë 60 vjeçar shqiptar, në Francën lindore thotë se ishte habitur kur zbuloi se një foto e këmbës së tij të gjymtuar ishte përdorur në pako cigaresh pa pëlqimin e tij, raportojnë mediat franceze. Pamja u shfaq në pakot e cigareve në gjithë Bashkimin Europian, së bashku me mesazhin “pirja e duhanit i bllokon arteriet”.
Por 60 vjeçari shqiptar, i cili jeton në Metz, thotë se humbi këmbën si rezultat i një sulmi në vitin 1997 në Shqipëri dhe se avokati i tij po kontakton me Komisionin Europian për të gjetur se çfarë ka ndodhur.
Ndërsa djali i tij ka gjatur fotografinë, e cila tregon këmbën e të atit, me djegie dhe plagë, të stampuar në një pako me duhan, të blerë vitin e kaluar në Luksemburg. Ai solli paketën në shtëpi për t’ia treguar familjes së tij dhe babai i tij konfirmoi se ishte me të vërtetë një pamje e këmbës së tij.
Por ajo që 60 vjeçari thekson është se kurrë nuk kishtë rënë dakord me dikë, që fotografia e këmbës së tij të mund të përdorej. Ai beson se është marrë në një spital lokal, ku ka kryer vizita nëse do të mund të pajisej me një këmbë proteze.
“Është tepër e pabesueshme që një person e gjen veten pa miratimin e tij në paketimet e cigareve në të gjithë Bashkimin Europian”, është shprehur avokati që ka marrë përsipër mbrojtjen e 60 vjeçarit. Gjithashtu, ai ka shkruar në spital, për të gjetur se si përfunduan fotografitë në duart e kompanisë së duhanit.
Komisioni Europian është duke u kontaktuar pasi është përgjegjës për shpërndarjen e imazheve të tilla në të gjitha paketat e cigareve të BE. Avokati, thotë se komisioni zakonisht përdor fotografi nga një bazë të dhënash, të cilat janë verifikuar dhe publikuar me pëlqimin e personit që i përket pamja.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.