Shtesë pensioni artistëve/ Projektakti i qeverisë, përfitojnë vështtirësi balerinët, akrobatët, solistët, instrumentistët
Brenda muajit gusht Qeveria do të ketë gati ndryshimet ligjore që do t’u sigururojnë shtesë në pension disa kategorive artistësh që konsiderohen profesione të vështira. Propozimi, i disponuar nga SCAN është publikuar tashmë në programin e projektakteve të Qeverisë dhe është parashikuar të miratohet brenda katërmujorit të dytë të këtij viti.
Në program sqarohet se nëpërmjet këtij projektligji synohet përfitimi i pensionit në bazë të niveleve të përcaktuara të punonjësve artistë dhe jo vetëm në administratës shtetërore.
Nga ndryshimet ligjore parashikohet të përfitojnë artistë të baletit, artistët e valleve të asambleve shtetërore dhe private, por edhe akrobatët e gjimnastët e cirkut.
Në listën e përfituesve janë edhe solistët e operave, të teatrove muzikale dhe të asambleve shtetërore, koristët e operave të teatrove muzikale dhe të asambleve shtetërore, si dhe muzikantët e veglave të frymës të orkestrave dhe të bandave shtetërore.
Të gjitha profesionet e sipërpërmendura përkufizohen në projektakt profesione të vështira që, sipas Projektaktit të Këshillit të Ministrave, duhet të trajtohen me penzion të posaçëm.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.