Shtetet e Bashkuara refuzojnë tarifat nga Kina! Çështja i kalon arbitrazhit në Organizatën Tregtare Botërore
Shtetet e Bashkuara të Amerikës kanë refuzuar kërkesën e Kinës për vendosjen e tarifave 2.4 bilion dollarë si kompensim ndaj sanksioneve të vendosura nga SHBA-të kundër rregullores së Organizatës Botërore Tregtare. Kjo çështje tashmë i ka kaluar arbitrazhit, raportojnë zyrtarë të tregtisë në Gjenevë.
Gjyqtarët e Apelit të OTB-së theksuan këtë korrik se SHBA-të nuk i janë bindur rregullave ndërkombëtare me vendosjen e tarifave mbi panelet diellore kineze, kullat e erës dhe cilindrat e çelikut. Më tej në gjykim shkruhej se Beijingu mund të impononte sanksione të ndërsjella nëse Washingtoni nuk hiqte tarifat.
Washington e ka sfiduar këtë vendim për sanksione me vlerë 2.4 bilion dollarë duke e dërguar çështjen në arbitrazh, e cila do të vendosë përfundimisht për tarifën. Kjo dosje është e hapur që në periudhën kur Obama drejtonte presidencën dhe thekson pakënaqësitë e vazhdueshme që Shtëpia e Bardhë ka pasur rreth Organizatës Botërore Tregtare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.